Bilal Pirkani karachi mein thalassemia ka patient hai , iski khawahish thi kay wo fauji bane aur apnay mulk kay liye kaam kare. Pak army nay is bache ko rank laga kar iski khawahish ko pura kar diya tha.
Bilal pirkani ko bachpan say hi Thalseemia ki bemaari tashkhees (diagnose) ho gayi thi, jab wo 6 maheene ka tha. Pak army nay bache ko rank laga ker aizazi kaptaan bana diya.
Bilal ka kehna tha kay main bachpan say hi pak army ka hissa ban’na chahta tha, jab bhi pak army ki gariya’n dekhta to unhein ruk kar salam krta tha aur salute marta tha.
Bilal ka taluk quetta balochistan se hai. Quetta main hi wo paak army mein shamil ho gay thay, kyoon kay wahan unki unit hai. .2018 mein bilal pirkani pak army ka hissa ban gaya tha.
General (retd) Qamar Javed Bajwa say is bache nay darkhwast ki thi kay mujhay pak army ko join krna hai aur mujhay pak army me liya jaye. Mujhay apnay mulk kay dushmano ka khatma karna hai.
Bilal pirkani ka kehna hai kay main bohat khush hoon kay General (retd) Qamar Javed Bajwa ne meri khawahish ko pura kar diya aur main unka shukriya ada karta hoon.
Bilal ko koi tankhwa nahi milti hai aur na hi usne tankhawa lenay ki khawahish ka izhar kiya hai. Uska kehna tha kay main nay un se khudi kuch nahi manga. Kyoon kay yeh bas uski khawahish thi kay wo pak army ka hissa bane.
Bilal pirkani ko pehli eidi mili thi jo kay 50,000 thi, Jo Lt. Gen. Amir Riaz (Retd) nay di thi.
Bilal pirkani ki sab se bari khawahish thi pak army mein shamil hona, jo kay Allah kay karam say puri ho gayi .
Bilal ne sab se khawahish ka izhaar kiya hai kay loog ziyada se ziyada blood ko donate kiya karen ta kay hum jaisay thalassemia kay bacho’n ki zindagi bach sakay. Aap kay aik blood say 3 bacho ki zindagiya bach jaati hain. Wo chahta hai kay jald se jald thalassemia ka ilaaj aa jay aur isse inki jaan chut jay.
Bila pirkani ne pak army mein 3 din ki training bhi li thi jis me use salute marna seekhaya aur aslaah (Gun firing) chalana seekhaya.
Bilal pirkani ko pak army ki taraf say uniform diya gaya aur us kay saath saath topi (cap) , jootay (shoes) aur danda (stick) bhi diya gaya. Bilal prekani ko sheilds bhi di gayi thi.
Bilal pirkani ne paak army ka hissa ban kar us se bohat kuch seekha hai.
Bilal pirkani ka kehna hai kay main ne behtreen Nazm o zabt (Discipline) seekha hai.
Sab say pehle main ne fauji cutting karwai. Main un kay tamam usoolo’n ki pairwi karta hoon. Uniform bhi jaldi pehnna parta hai aur main 3 minute mein pehan leta hoon. Pak army mein reh kar apko shave b jldi krni hoti hai, Bilal pirkani.
Mre liye baees e fakhar hai kay main duniya ki behtreen fauj ka hissa hoon. meri walida or walid bhi bohat khush huy hain, aur puri kaum bhi mujh per fakhar karti hai, Bilal pirkani.
