Wo sarifeen jo apnay gmail accounts ko bakaidgi se istimal nahi kartay hain google un k accounts ko december mein delete kar day ga.
Ruth Krichely jo Google mein Product Management ke naib sadar hain , may 2023 mein unhone kaha ke December se, company apne tamam products mein Google accounts ke liye apni ghair-faaliyat ki policy ko update karegi. wo tamam gmail accounts jo kam az kam do saal se inactive hain jinhe istimal mein nahi laya gaya campany un tamam accounts or is k contents jese ke Google Workspace (Gmail, Docs, Drive, Meet, Calendar) aur Google Photos wgera, delete kar sakti hai.
Google ne jo policy banai hai is k pichy iska maqsad ghair-faaliyat mein mubtala accounts ke security khadshat par mabni hai May ke shuru mein aik blog post ki gayi thi jis mein company ne is baat per zor diya hai ke ghair-faaliyat mein mubtala accounts aik ahem security risk hote hain. In accounts ki security waqt ke sath sath kamzor hojati hai jis se hacking ka khatra barh jata hai, jiski wajah se unke galat istemal ya spam phailne ka khatra bhi hota hai.
Ye policy sirf un users ke liye hai jo apnay accounts ko istimal nahi kartay. Agar kisi user ne haal hi mein apne Google account mein sign in kiya hai ya Google ki kisi bhi service ko istemal kiya hai, to uska account active mana jay ga aur ise delete nahi kiya jayega.
