HEC Ne sainkaron Sri Lanka Ke Talba Ko Pakistani Universitiyon Mein Parhne Ke Liye Muntakhib Kiya.

Higher Education Commission (HEC) ne Pak-Sri Lanka Higher Education Cooperation Program ke teht ‘Allama Iqbal Scholarships’ ka elaan kiya tha.

Pakistan mein Higher Education Commission (HEC) ka ijlas hua aur Sri Lanka ke sainkaron talbaon ko Inaam (awards) diye gaye. In talbaon ko ab Pakistan aane aur apni university mein taleem hasil karne ke liye apni kaghzi karwai mukammal karni ho gi.

Is scholarship ka maqsad Sri Lanka aur Pakistani talbaon ke darmiyan ilmi tabadlay aur saqafaton, aur riwayat ki behtar tafheem ko farokh dena hai.

“Allama Iqbal Scholarships” HEC ke bayn-ul-aqwami talbaon ko Pakistan mein taleem hasil karne ki targeeb dene ke iqdaam ka hissa hain.

Is scholarship se jo faida unhyn hasil hon gy wo ye hain,

1. Pakistani universitiyon mein taleem hasil karne ke liye program ki puri tuition fees
2. Rehaishi wazifa (Residence allowance)
3. Mutalya wazifa (Study allowance)
4. Kitabi wazifa (Books allowance)
5. Aur aik baar wapsi ka air ticket muhaiya kare ga.

Sri Lanka ke Wazir e Taleem Dr. Susil Premajayantha award ki taqreeb ke mehman e khaas thay. Dr. Premajayantha ne kaha ke Sri Lanka ke talba, asaatiza, aur Sarkari karkunon ko mazeed seekhne mein madad karne ke liye Pakistan ki Hukumat ka shukriya. Unhone kaha ke jab Pakistan aur Sri Lanka ek dusre ki madad karte hain to yeh South Asia ko mazboot aur ahem banata hai.