Imad wasim ne social media kay zariye ye paigham de diya hai k unho ne bein-ul-aqwami cricket se istifaah de diya hai.
Istifaah dene ki filhaal waja yeh samny ai hai kay, Punjab Cricket Board ( PCB ) kay afsaraan ki janib se is istifaah ka imad wasim se kaha gaya tha.
Imad wasim bohat ache batsman bhi hain or left hand bowler bhi hain.
Imad wasim ne social media kay zariye yeh ailaan kiya kay, Halhiya dino mein mein apne bein-ul-aqwami career ke baare mein kaafi soch raha hoon aur mujhe yeh mehsoos hua hai ke ab sahi waqt aa gaya hai ke mein bein-ul-aqwami cricket se istifaah lene ka faisla karoon.
Imad wasim ne Pakistan Cricket Board (PCB) ka shukriya ada kiya aur kaha kay pakistan ki numaindgi karna mere liye bohat bare aizaaz ki baat hai.
Yeh Pakistani cricket ke liye ek dilchasp waqt hai jo naye coaches aur aanay wali qayadaton ke liye aagey barh raha hai.
Imad wasim har aik ki kamyabi ki khwahish rakhty hain aur pakistani team ko mazeed bharta hua, kamyaab team dekhny kay muntazir bhi hain.
Imad wasim ne apny tamaam pakistani chahny walo ka shukriya ada kiya jo unho’n ne inhy be tehasha muhabbat di or saath diya.
Apnay ghar walo ka or dosto ka bhi shukriya ada karty huy imad wasim ka kehna tha kay main bht shukar guzar hoon apnay khandaan ka aur dosto’n ka jo mere liye bohat aham hain unho’n ne mujhe aala darjay ki kamyabi hasil karne mein meri bohat madad ki hai.
Akhir mein imad wasim ne kaha kay Main ab bein-ul-aqwami stage se hat kar apne career ke agle marhalay par tawajjuh denay ka muntazir hoon.
Social media per afwahein chal rahi hain kay babar azam nay imaad wasim kay career ko tabah kar diya hai, unhy team mein shamil karne se babar azam ne inkaar kar diya tha.
Imad wasim se aik interview me jab un se babar azam aur in kay relation kay bare mein sawal pucha gaya kay sunny me aya hai kay ap kay un se talukaat ache nahi hain us per imad wasim ne kaha sb normal ho jata hai jb ap maidaan me khelny kay liye aty hain aur zahir si baat hai kay wo kaptaan tha or main khel raha tha to sb mamlaat me tawazun hi rehta hai aur sab laraiya bhul jaty hain.
Imad wasim se jab pucha gaya kay Bein-ul-aqwami tournaments kafi arsy bad khela jay ga to agar apka selection ho jata hai to kiya ap ne tiyariya’n kar li hain us per unho ne kaha kay yeh mera kaam nahi hai sochna ya faisla karna, to main na mentally tor per tiyari karoon ga na dusri kisi bhi kisam ki tiyaari karoon ga . Main bas apna cricket khelu ga aur uski tiyaari karu ga. Jab koi is hawaly se baat ho gi ya koi bhi baat nahi ho gi to yeh sab tab dekha jay ga mera bs kam hai khelna aur lutf andooz hona.
Asia cup kay hawaly se imad wasim ne kaha kay wo is kay liye bohat khush hain.
