Hazaron log Gaza ke sab se bare hospital mein mehsoor hain, aur Israel is par dawa karta hai ke yeh Hamas ka command center hai.
Hafte ki subha se hi Israeli forces ne Al-Shifa Hospital ko puri tarah ghera mein le liya hai. Ambulances ko hospital mein dakhil ya bahar jane se rok dia gayi hai, jahan tibbi saman aur khoraak ki kami hai.
Al Jazeera ke Tareq Abu Azzoum ne bayan kiya ke woh Gaza ke markazi medical complex ke darwazon par hamla karke use tabah kar rahe hain, kyun ke is hospital ke sehan mein ab bhi mareez aur hazaron Palestini mojood hain.
Al-Shifa ke director, Muhammad Abu Salmiya ne hospital ke aspaas ke ilaake ko jung ka medan qarar diya. Lekin bayan kiya ke hospital ke staff ne mareezon ke saath aakhri lamhe tak rehne ka wada kiya hai.
Abu Salmiya ne Al Jazeera ko bataya ke hum nahi chhorenge , kyun ke hum jante hain ke agar hum hospital se nikal gaye to darjanon mareez mar jayenge.
Israel ne dawa kiya hai ke hospital ko Hamas command center ke taur par istemaal kiya jata hai jis se Al-Shifa ke staff aur armed group dono ne inkar kiya hai.
Palestinian Health Ministry ke mutabiq Israel aur Hamas ke darmiyan shuru hone wali jung ke baad se Gaza par Israeli hamlaat mein kam az kam 11,078 Phalestini qatal ho chuke hain.
